مروان موسى - WATHAEQY - وثائقي versuri

Versuri Marwan Moussa – مروان موسى – WATHAEQY – وثائقي lyrics

[الجزء الأول]

[المقدمة]
آه، الموضوع مش ضحك
لو واخد الموضوع ضحك
ياه، إيه

[المقطع الأول]
ياه، زمن جديد الدستور حكم
في السما غيوم والطيور عدد والشعور همج
طب قولّي إيه لزوم الحيطة لو بانوها مايلة؟
إحنا اللي إصطدنا السيادة عشان سابوها عايمة
تشققات في التاريخ بانت
عرفت السر؟ طب خليك ساكت
لحظة صعبة، صورة إيد سابت
بلعب دور العنيد، ما تلاقينيش عاجز
عايش مِتدروش في عُمّر مغلوش
ناس مسلسلات مقريّة، قُلت من الأول
في وشوش طيبة من بعيد بس بقناع متلوّن
‫أنا كُنت مخون، رُحت أـZoom عَ التناغم طلع مش متـ‫Tune

[اللازمة]
برّا التوقعات ماليش مَلْكة
دمّي الفريسة بسكاكين سالكة
شيطاني في بالي فَماليش ملجأ
وعلى الذات ييجي مية جلدة

[المقطع الثاني]
أنا أستصعبت الأستسهال فَإستعبطت الأستهبال
سايب الرسايل السرية تحت الخط عَ الشمال
‫عايش Memento, Assist مع زميلة والهايش شيلته
وفي ليلة الحلفاء نتشّوا السبايك، هربوا
ضربة تقيلة، العواميد شالت
إحنا في مصيبة؟ طب خليك فاكك
مهما الغريزة بالسنين غابت
‫أنا بَفضل ماشي على الـ Beat ثابت
إرتجلت لحد ما ظهر المعدن
وفي عشرة قبل اللي فات أتقصف المعنى
والخبطة جَت في منتصف العصب الأعنف
وفي لحظة أتوهمت إني في قاع، مُستحيل أكسر اللعنة
بَحكم بالأفعال، لسه لوحدي في الأدغال
بقالي أكتر من شهر ملهي في الأجواء
‫وأوقات بـVisual إن الواقع صورة مرسومة في كتاب
بس ليه الشكل بيبقى أسوأ لما تشوفها بالألوان؟
قبل ما تحس إن مافيش زيَّك
إمسك العقل، الكراكيب باينّة
مش المفروض يتحاموا فيك دايماً
بس كُله عايز يستفيد، مافيش فايدة
قطعت شوط، كان الفريق شايلك
بعدين قُلت „لأ، مافيش دايرة”
بعديها وقفنا بتلاكيك خايبة
وكإن عقلية الجريء غايبة
فَفضلت مُعظم الطريق سايبك

[اللازمة]
برّا التوقعات ماليش مَلْكة
دمّي الفريسة بسكاكين سالكة
شيطاني في بالي فَماليش ملجأ
وعلى الذات ييجي مية جلدة

[الجزء الثاني]

[المقدمة]
ياه، رُبع قرن وخمسة
صحيت مكان ما بدأت
مُستحيل إني أنسى اللمسة
نَفَسِّي آله، عزفت
هلوسة في هيئة أشباح على السقف
في بالي مرتاح، أنا كهف
علـ-على الندّاهة ندهت، قالت „معاك على تحت”
آسف، أنا سرحت، أنا —

[المقطع]
عزلت نَفسّي في عز الزحمة
لقيت رسالة قالتلي „بتاعتك”
عايز أحرك جيش في حين ما الأبالسة في رجلي تكعبل
بالي في الفن مشعوذ، تاني في المجد مجعبد
حافظ الخطة بتاعتي، ضارب الكَف وبعمي
رافع السقف بـ، كعبي (كعبي، كعبي، كعبي)
آه، عيون بالليل، أكيد دا الشر
كان، ‫كان عليّا Spot، إترمت نظرات الخبيث بالعرض
آه، ومافي حيلة، بيجيب من الغرب
إيد أصيلة تشيل من الأرض
ومارو مدرّج، ما بيقصّرش، ياه
أنا بقيت شايف الناس ترددات
ولقيت في معادلة سلام نَفّس
إن كان في حقد يقضي على الطاقات
شماريخ وسنين ضوئية
رسمت بالفوانيس سِكّة في الضباب
‫أنا Top الـ Top اللام شمسية
فَالنُطق مش نُقطة النقَّاض
آه ماشي، هاتلّي مستندات إن، إن اللي فات مش وهم
ما أنا كُنت في تحت، عارف تدوير العَجَّل مش سهل
آراء بتخليك تتشتت يمين شمال، مرجحت
فَمش عايز الدعم غير لو من الإخوات والأهل
بيّن الجبال في جبال
جوّا الكلام في كلام
والإيد المخفية حاطة حاجب ما بيّن الإنسان والإنسان
واللي بيبان بيتداس
شايفها أفلام وبتتعاش
قلبي في سيبان دبرياچ
آه، فاتح أبواب القوة
شاحن الذات، أنا لابس إحساس عدم أستسلام من جوّا
سمعت صوت قالّي أفرش وأفرش
خُد مساحة توازي نموك
‫وخلّي بالك، Filter الأحباب دا عدوّك

[الجزء الثالث]

[المقدمة]
ياه، ماشي، آه

[المقطع الأول]
غُرفة ٣١٣، أنا عُليا وهُوَّ
والكلام على الهوية والأخوّة
واللي ضاع ما بينّا عدى بس عمل شرخ جوّا
بانت خربشة الزمن على خامة العبوة
واللي فارق إني عايش، جالي فُرصة تانية، رُحت (رُحت)
فضلت أراجع، قُمت معشّق العزيمة بدال الحزن (حزن)
فاضل عشرة مللّي وأعزفلكوا الخطر على الأورج (أورج)
لسه واقف فوق المتحف وبقول „أنا اللي Old”

[اللازمة]
آه، ‫بعد الـ Peak هيبان الخَوام من المُستنسخين
‫دا الجديد، بالـ Sense هـLead وأخنق الحديد
‫دا الحقيقي، لو مثلّت في Show أنا مش هَستفيد
سارقين الأضواء وآدي السكِّينة، إحنا مُلثّمين
دا المقصود وأنا اللي بقوله ودا موقفّي
العقل مش منطقي ومش بَطوله في العاطفي
كان نِفسّي أقول أن المعنى مضمونه في مرة صِفي
اللي بيتعامل بطبيعته الناس بتشوفه وثائقي

[المقطع الثاني]
رافع راسي، رافع راسي رافع راسي
صنّارتي، إصطادي
إقلع، حُصان إستعراضي
اللي يطاطي مش بيكسب إستعطافي
فهمنا الماضي وبنكوِّنه إحنا المرة دي
بقول للعاصفة „إوعي تستجمي”
‫ولو اللسان بيأذي عندي Glock 9 مللّي
الرُكن اللي بيتنافسوا فيه مين أقوى مُحن، مش هاممّني
أنا في حكاية، روحي إتقسمت وشُفت حتّة مني (حتّة مني)
ساعتها إتأكدت إني مجنون
أنا فضائي، سيكوباتي، بسردلّك قصة آمون
من البُعد السُداسي بلعب بفيزيا مش في القانون
مهكر Server الشبكة بتاعتي، أنا العنكبوت

[اللازمة]
‫بعد الـ Peak هيبان الخَوام من المُستنسخين
‫دا الجديد، بالـ Sense هـLead وأخنُق الحديد
‫دا الحقيقي، لو مثلّت في Show أنا مش هَستفيد
سارقين الأضواء وآدي السكِّينة، إحنا مُلثّمين
دا المقصود وأنا اللي بقوله ودا موقفّي
العقل مش منطقي ومش بَطوله في العاطفي
كان نِفسّي أقول أن المعنى مضمونه في مرة صِفي
اللي بيتعامل بطبيعته الناس بتشوفه وثائقي