Armaname oameni vruts versuri

Versuri Hrista Lupci – Armaname oameni vruts lyrics

Armâname oamini vruts
Io va voi armâni pi tuts voi armâni
Di una eta him armâni
Dit pâpâni si stripapâni voi armâni

Musati hori avura armânii
M-a li asparsirâ pângânii voi armâni
Musata hoara Gramustea
U-asparsi Ali Pasa voi armâni

Moscropolea hoarâ avdzâtâ
Tora iasti si ea chiruta voi armâni
Vini topea u chirurâ
Pit lipidâ u tricura voi armâni

Bachita tu Vârgarie
Tsi s-avea Armâni cu nii voi armâni
Musata hoara s-asparsi
Nâ chiatra di ia nu-armasi voi armâni

Multu sed mi minduiescu
Plângu nu pot s-dânâsescu voi armâni
S-asparsirâ a noastri hoari
Multu inima mi doari voi armâni

Doamne câ tse blâstimasi
Hoarili padi li adrasi voi armâni
Ca armânii tsi t-au faptâ
Di ahânti ei au traptâ voï armânï