I Daj Devrijal versuri

Versuri Cherkezi Orchestra & Toni Kitanovski – I Daj Devrijal lyrics

Angleder adava na sine kanchi vi jek baro paj,
Mulo paj thaj bi cachutno devrijal
Palo adava, naklja but vakti
Thaj o pani ulo I daj devrijal.
Oj bijangja chave,
Ov sine but tikno
Numaj dzivdo
Adaleske I daj Devrijal dengja
leske o naj shuzo anav Dzivdipe
I daj Devrijal but arekela le sine,
thaj arakhela le sine
Arakhela le sine sar I tikni kolepka,
sar rata kola avena sine taro lakoro vilo.

O chavo Dzivdipe hari pohari bajrola sine
vi kana barilo achilo pe solduj prende
sar so kerena sa o chave.
Kana siklilo te phirel manglja te dzal dzi ki phuv.
Koj dzanela soske,
I bisikavni losh lengarela le sine taro shuze drumija
e panjesere struendar dzi ko zorale drumija taro bara,
Koj dzanela soske?

Kana alo than te o chavo te dzlpeske tari pi daj,
o Dzivdipe kergja seljami pe panjale khereske,
I daj Devrijal dingja leske jek buti, te shaj te ne bistrel la,
jek londali asvin thaj jek delo taro lakoro ratvalo vilo.
Adathar amen isi amen asva ko jakha.

Ma ladza tari asvin, kana o pharipa anela len.
O asva si amare agorutne shukar bukja.
Angleder but vakti, angleder but, but vakti,
ola sine amenge dinde sar agorutno pokloni tari amari
Daj Devrijal

Scris de: Toni Kitanovski / Tehamana Skenderovska / Frane Milčinski – Ježek