أبيوسف - ANA - أنا versuri

Versuri Abyusif – أبيوسف – ANA – أنا lyrics

[المقدمة: مفيد فوزي وفؤاد المهندس]
الحالة الإجتماعية؟
والله مضحضحة، يعني ما هيش أوي
يعني مش أوي يعني

[المقطع الأول]
طالعة معانا الدنيا كل اللي فايته ده
لسه مبطل، دكر اللي بيقول لمرايته لأ
حياتي فيلم، نصه حلو بس بدايته لأ
حاسس إنه جبل اللي أنا شايله ده
راجل فدموعي ما بتتشافش
وأنا لوحدي بتبقى دموعي ما بتنشفش
واخد كل حاجة قفش
صعب بعد الأربعين يكون منظورك ما إختلفش
أيوة إتغيرت خلقي إضيق
ما عادش عندي طاقة لت
واخد كل حاجة زق
الواقع قاسي يا أسطى، دي السلحفة طلعت ما بتسبقش
علمتوني ما أتكلمش أسيبها سطحي
مش كل حد أعرفه يبقى صاحبي
مش مع كل صاحب ليا ببقى براحتي
ما إحناش في العيد مش لازم أضحي
الهدوء جميل
لو بتحبيني ما تناميش
لو على العُقد عندي كتير
ما بحبش نفسي بس بحب ناس كتير
الحلو ما بيكملش
بس قشطة عندي فانز
لو على بجد أنا بحب أبويا وبس
الحمد لله على كل ده

[فاصل: مفيد فوزي وفؤاد المهندس]
Q, U, O
No
عدد ساعات النوم؟
إختار مهنة واحدة تحترمها أكتر
المدرس

[المقطع الثاني]
شغلت الكاتل وإستنيت الميه تسخن
صيدكو كله بيبقى في ميه عكرة
الحوار ده مش هيموت عشان ده فكرة
كله بينافقني لما بيغرق
شغلت دماغي وإستنيت فلوس تيجي
مش بسامح حتى لو هتبوس إيدي
قلبي الصراحة ما لوش ما لوش فيكي
ما تسأليش، الفراق ما فيهوش سيري
عايز أبقى أوضح أنا ليه بكون مبهم
نفسي أسافر بس الغرض يبقى نزهة
تسألني أغلى حاجة عندك إيه؟ هقولك أمك
(هتقولي نفسك في إيه؟ هقول أشوفها)
شغلت تراكي وإستنيت أقول حاجة
قالولي كتير إن أنا مش بقول حاجة
بس ده مفيد عشان لما باجي أقول حاجة
بتقول أخيرًا يا أسطى أهو بيقول حاجة
شغلت دماغكو من الريموت اللي في الصالة
ما بنامش كويس عشان مسؤوليتي الطارة
بحود أنا يمين شمال وأوصلنا بجدارة
أنا بابا

[الخاتمة: مفيد فوزي وفؤاد المهندس]
ماذا تبقى؟
تبقى أنا، أنا
تمام، تمام
آه

Written by: Abyusif – أبيوسف